حیدر بابا، دنیا یالان دنیادی ،

سلیماندان ، نوحدان ، قالان دنیادی .

اوغول دوغان ، درده سالان ، دنیادی .

هر کسیمه هر نه وئریب ، آلیبدی ،

افلاطوندان ، بیر قوری آد ، قالیبدی .



حیدر بابا ، گون دالوی داغلاسین

یوزون گولسون ، بولاخلارون آلاسین

اوشاخلارون بیر دسته گول باغلاسین

یئل گلنده ور گتیرسین بویانا ،

بلکه منیم یاتمیش بختیم اویانا

حیدر بابا ، سنون یوزون آغ اولسون !

دورت بیریانون بولاغ اولسون ، باغ اولسون !

بیزدن سورا سنون باشون ساغ اولسون !

دنیا قضو قدر ، ئولوم ایتیمدی !

دنیا بویی اوغول سوزدی ! یتیمدی !



حیدربابا ، یولوم سنن کج اولدی ،

عمروم کچدی گلممدیم گج اولدی ،

هئچ بیلمدیم گوزللرون نج اولدی

بیلمزدیم دنگه لوار ، دونوم وار ،

ایتگین لیک وار ، آیرلیق وار ، ئولوم وار